सतीश लाडस्कर,भंडारा
दूरसंचार विभागाने नुकताच एक नवीन नियम जारी केला आहे, ज्यामध्ये अधिक सिम ठेवण्याची सूट रद्द करण्यात आली आहे. दूरसंचार विभागाच्या नवीन नियमांनुसार आता 9 पेक्षा जास्त सिम असणा-या युजरला सिमकार्डची पडताळणी करणे बंधनकारक झाले आहे.
या सिमकार्डची पडताळणी न केल्यास, ते अक्षम केले जातील. जम्मू आणि काश्मीर (J&K) आणि ईशान्य राज्यांसाठी ही संख्या फक्त सहा आहे. दूरसंचार विभागाने टेलिकॉम कंपन्यांना नियमांनुसार वापरात नसलेले सर्व मोबाइल नंबर डेटाबेसमधून काढून टाकण्यास सांगितले आहे.★ काय आहे, DoT ऑर्डर?
दूरसंचार विभागाने जारी केलेल्या आदेशात असे म्हटले आहे की, जर ग्राहकांच्या ग्राहकांकडे परवानगीपेक्षा जास्त सिम कार्ड आढळले तर त्यांना त्यांच्या आवडीचे सिम ठेवण्याचा आणि बाकीचे बंद करण्याचा पर्याय दिला जाईल, परंतु त्याची मर्यादा 9 पेक्षा जास्त नसेल.
दूरसंचार विभागाने सांगितले की, विभागाने केलेल्या सर्वेक्षणादरम्यान कोणत्याही ग्राहकाकडे सर्व दूरसंचार कंपन्यांचे सिमकार्ड निर्धारित मर्यादेपेक्षा जास्त असल्याचे आढळून आल्यास सर्व सिमची पुन्हा पडताळणी केली जाईल. आर्थिक गुन्हे, आक्षेपार्ह कॉल, ऑटोमेटेड कॉल आणि फसवणुकीच्या घटनांचा तपास करण्याच्या उद्देशाने दूरसंचार विभागाने हे पाऊल उचलले आहे.★ 30 दिवसात सिम बंद करण्याचा आदेश!
DoT ने सर्व दूरसंचार ऑपरेटर्सना 9 पेक्षा जास्त सिम कार्ड असलेल्या वापरकर्त्यांना सूचना पाठवण्याचे आदेश दिले आहेत. अशा सिमकार्डवरील सर्व Out going(आऊट गोईंग) कॉल 30 दिवसांच्या आत थांबवावेत. तर Incoming (इनकमिंग) कॉल ४५ दिवसांत बंद करण्याचे आदेश दिले आहेत. तथापि, मोबाइल सिम वापरकर्त्यांना अतिरिक्त सिम सरेंडर करण्याचा पर्याय देखील असेल.
