जिल्हा परिषद उच्च प्राथमिक केंद्र शाळा आरंभी येथील सहाय्यक शिक्षक उमेश शंकर राठोड यांना राज्यस्तरीय शिक्षकरत्न पुरस्कार 2021 जाहीर झाला आहे. शैक्षणिक दीपस्तंभ संपादक टीम यांच्या वतीने उत्कृष्ट शैक्षणिक कार्य करणाऱ्या शिक्षकास राज्यस्तरावर हा पुरस्कार देण्यात येतो. राज्यस्तरीय उत्कृष्ट तंत्रस्नेही शिक्षक उमेश राठोड यांचे राज्यस्तरावरील विविध कार्यशाळा, चला वाढवूया सामान्य ज्ञान उपक्रम, विविध सहशालेय उपक्रम ,नाविन्यपूर्ण विज्ञान प्रयोग ,महादीप उपक्रम, सुट्टीतील घरचा अभ्यास, कोरोणा काळातील विविध ऑनलाईन चाचणी निर्मिती, Digital Abhyas यूट्यूब चॅनल च्या माध्यमातून विद्यार्थ्यांचे शिक्षण सुरू ठेवणे, अध्यापनात तंत्रज्ञानाचा वापर, शालेय स्तरावरील विविध उपक्रम, शिक्षकांना तंत्रस्नेही बनविण्यासाठी मार्गदर्शन करणे, वृक्षसंवर्धन, अशा विविध योगदानाबद्दल त्यांना हा पुरस्कार जाहीर झाला आहे .यापूर्वी त्यांना केंद्र भूषण, राज्यस्तरीय उत्कृष्ट तंत्रस्नेही शिक्षक पुरस्काराने गौरविण्यात आले आहे. पुरस्कार जाहीर झाल्याबद्दल शिक्षणाधिकारी श्री.प्रमोद सूर्यवंशी, गटशिक्षणाधिकारी श्री.मुकेश कोंडावार, शिक्षण विस्तार अधिकारी सौ.शुभदा पाटील ,केंद्रप्रमुख श्री.किरण बारशे, मुख्याध्यापक श्री.नरेंद्र थोरात, राष्ट्रपती पुरस्कार प्राप्त शिक्षक श्री.आमीन चौहान व सर्व सहकारी शिक्षक बंधू – भगिनी यांनी उमेश राठोड यांचे कौतुक केले आहे.व सर्व स्तरातून कौतुक होत आहे.
