भारतीय स्टेट बँकेने अलीकडेच एक सूचना जाहीर केली असून ग्राहकांना लवकरच बँक खात्याला आधार कार्ड आणि पॅन कार्ड लिंक करण्यास सांगितले आहे. SBI ने आपल्या सर्व ग्राहकांना आपल्या बँक खात्याला आधार कार्ड लिंक करणे बंधनकारक केले आहे. असे करण्यात अयशस्वी झाल्यास जे शासकीय अनुदान घेत आहेत अशा खातेदारांचे नुकसान होऊ शकते. या इशाऱ्यानंतर बऱ्याच लोकांच्या मनात एक प्रश्न निर्माण झाला आहे, की सर्व बँक खातेदारांना पुन्हा आधार कार्ड आणि पॅनकार्ड जमा करावे लागतील का?
अशा परिस्थितीत, आधार कार्ड व PAN कार्ड लिंक करण्याबाबत एसबीआयचे नियम काय आहेत, ते जाणून घेऊया. सर्व खातेदारांना पुन्हा कागदपत्रे जमा करावी लागतील का? यावर SBI ने पुन्हा एकदा आधार कार्ड आणि पॅनकार्ड कोणत्या खातेदारांना द्यावे लागेल याबाबत ट्विटरद्वारे माहिती दिली आहे.
SBI ने अलीकडेच आपल्या ग्राहकांना सांगितले होते की, “आम्ही आमच्या ग्राहकांना हे कळवू इच्छितो की ज्यांना सरकारकडून डायरेक्ट बेनिफिट ट्रान्सफरद्वारे कोणताही लाभ किंवा अनुदान मिळण्याची इच्छा आहे त्यांच्यासाठी आधार कार्ड सीडिंग अनिवार्य आहे. शासकीय योजनांचा सतत लाभ घेण्यासाठी SBI ग्राहकांना आधार कार्ड लिंक करणे आवश्यक आहे.”
बँकेच्या एका ग्राहकाने SBI ला टॅग करत ट्विटरवर, “सर्वांना कागदपत्रे जमा करावी लागतील का?” असा प्रश्न विचारला असता बँकेने त्यास उत्तर दिले, की “आरबीआयच्या नियमांनुसार जर आधार कार्ड आणि पॅन कार्ड तुमच्या बँक खात्याशी जोडलेले असेल आणि केवायसी अपडेट झाले असेल तर पुन्हा कागदपत्रे जमा करण्याची गरज नाही. केवायसी अपडेट करणे आवश्यक आहे. आपण ‘Registered mail’ द्वारे आपल्या स्वाक्षरी केलेल्या अर्जाची स्कॅन केलेली प्रत आणि KYC कागदपत्रे पाठवू शकता. जर पत्ता आणि मोबाईल नंबर बदलला असेल तर आपण केवायसीच्या कागदपत्रांसह आमच्या कोणत्याही शाखेत भेट देऊ शकता.”
आपले आधार बँकेशी जोडलेले आहे किंवा नाही हे तपासून घ्या.
खालील स्टेप्स follow करा.👇
◆ सर्वप्रथम क्रोम ब्राऊजर ओपन करा.
◆ सर्चबार वर uidai.gov.in ही वेबसाईट टाईप करा.
◆ यानंतर खाली दिलेल्या पर्यायांपैकी, ‘Aadhaar Services’ वर क्लिक करा.
◆ आता ‘Aadhaar Linking Status’ मधील ‘Check Aadhaar / Bank Account Linking Status’ हा पर्याय निवडा.
◆ त्यानंतर आपला 12 अंकी आधार क्रमांक प्रविष्ट करा.
◆ आता दिलेला कॅपचा कोड जसेच्या तसा टाईप करा आणि ‘Send OTP’ वर क्लिक करा.
◆ आपल्या नोंदणीकृत मोबाईल क्रमांकावर OTP मिळेल, त्याद्वारे लॉगिन करा.
आता आपले बँक खाते आधार कार्डशी जोडलेले आहे की नाही हे कळेल.
—सतीश लाडस्कर,भंडारा
