रोटरी क्लब तर्फे नेशन बिल्डर ॲवार्डंने दोन आश्रमशाळा मुख्याध्यापक सन्मानित…..

नाशिक- रोटरी क्लब ऑफ नाशिक यांचेकडुन प्रतिवर्षी आदर्शवत काम करणा-या शिक्षकांना नेशन बिल्डर ॲवार्डने सन्मानित केले जाते.शिक्षण क्षेत्रातील उल्लेखनिय कार्याची दखल घेऊन यावर्षी दिला जाणारा नेशन बिल्डर ॲवार्ड शासकिय इंग्रजी माध्यम निवासी आश्रमशाळा मुंढेगांव ता इगतपुरी येथील श्री.जहागिरदार तनवीर आणि शासकिय माध्यमिक आश्रमशाळा शिरसगांव ता.त्रंबकेश्वर येथील मुख्याध्यापक श्री भास्कर दिपक यां दोन आश्रमशाळा मुख्याध्यापकांना देण्यात आला आहे.
विदयार्थ्यांची गुणवत्ता वाढविण्यासाठी रोटरी क्लबच्या माध्यमातुन शाळेत विविध नाविण्यपुर्ण उपक्रम या वर्षी शाळेत राबविण्यासाठी हा पुरस्कार मिळाला आहे. हॉटेल एमराल्उ पार्क,शरणपुर रोड नाशिक येथे रविवार 4 सप्टेंबर रोजी होणा-या पुरस्कार सोहळयात हा पुरस्कार देण्यात येणार आहे.